Грузия пойтахти Тбилисида стол тенниси бўйича “WTT Youth Contender” турнири бўлиб ўтмоқда.

Унда ўзбекистонлик спортчилар турли ёш тоифаларида иштирок этишмоқда.

U-13 тоифасида ҳамюртимиз Аружан Камалова финалга чиқди. У ҳал қилувчи учрашувда Гонконглик рақиби Мак Минг Шумга имкониятни бой бериб қўйди. Стол теннисчимиз финал босқичида рақиби билан тенгма- тенг кураш олиб борди ва ҳал қилувчи ўйинда рақибига 2:3 ҳисобида ютқазди. Шу тариқа, кумуш медални қўлга киритди.

Аружан Камалова финал босқичига қадар, дастлаб ўзининг саралаш гуруҳида ғалаба қозонган бўлса, чорак финал босқичида қозоғистонлик рақибини мағлуб этди, сўнгра ярим финалда анча кучли ҳисобланган эронлик рақибини таслим этди.

Эслатиб ўтамиз, аввалроқ Грузияда 13 ёшли ҳамюртимиз Темурбек Нурмонов мусобақанинг бронза медалини қўлга киритган эди.

• Грузия
• Ўзбекистон
• стол тенниси