Сеул суди қарорига кўра, эндиликда терговчилар ҳокимиятдан четлатилган президент Юн Сок Ёльни 20 кунгача ҳибсда ушлаб туриш имкониятига эга. Бу ҳақда Yonhap ахборот агентлиги хабар бермоқда.

Ушбу муддатга у 15 январда қўлга олинганидан сўнг вақтинчалик ҳибсхонада сақлаб турилган кунлар ҳам киради.

Коррупцияга қарши кураш идораси Юннинг ишини 10 кун ичида прокуратурага топширишни режалаштирган. Прокуратура эса терговни давом эттириб, давлат раҳбари ҳибсда бўлган даврда унга айблов эълон қилиши мумкин.

Маълумот учун, 2024 йил 3 декабрь куни Юн Сок Ёль Жанубий Кореяда ҳарбий ҳолат жорий қилиш ҳақида эълон қилгандан сўнг, мамлакат парламенти бу қарорни тезликда бекор қилди ва 14 декабрь куни Юнга нисбатан импичмент эълон қилинди. Ҳокимиятдан четлатилган президент суд ордери билан 15 январь куни иккинчи уринишда полиция томонидан қўлга олинган эди.

• Janubiy Koreya
• Президент
• Суд