Жанубий Корея давлат разведка бошқармаси томонидан сунъий интеллектдан фойдаланган ҳолда Шимолий Корея етакчиси Ким Чен Иннинг жисмоний имкониятлари баҳоланди. Бу ҳақда Yonhap агентлиги хабар бермоқда.

Агентлик маълумотларига кўра, фотосуратлар ва видеоматериаллар таҳлили асосида Шимолий Корея етакчисининг вазни аниқланган.

“16 май куни омма олдида нутқ сўзлаган Ким Чен Ин ҳорғин ҳолда кўринган, кўзлари остида аниқ қора доиралар бор эди, сунъий интеллект ёрдамида вазн таҳлили унинг оғирлиги 140 дан 150 килограммгача эканлигини кўрсатди”, – дейди Жанубий Корея “Фуқаролик кучлари” ҳукмрон партияси парламенти Йо Санг Бум.

Унинг сўзларига кўра, Сеулда Ким Чен Ин нафақат ортиқча вазндан, балки уйқусизликдан ҳам азият чекаётганидан гумон қилинмоқда. Шунингдек, у разведка КХДР етакчисининг тери касаллиги ва аллергияси борлигини истисно қилмаслигини ҳам қўшимча қилган.

“Ўтган йилнинг охиридан бери Кимнинг қўлларидаги тирналган ва кўкарган жойлар аллергия ва стрессдан келиб чиққан дерматитнинг комбинацияси сифатида тахмин қилинмоқда”, – деди Йо Санг Бум.

Аввалроқ КХДР етакчисининг синглиси, Корея Меҳнат партияси Марказий қўмита бўлим бошлиғи ўринбосари Ким Ё Чен мамлакатдаги “иситма” эпидемияси вақтида акаси оғир касал бўлиб қолганини маълум қилган эди.

• Janubiy Koreya
• Kim Chen In
• Шимолий Корея