“Катибат Ал-Имом Бухорий” террорчилик гуруҳининг етакчиларидан бири бўлган 51 ёшли Ўзбекистон фуқароси Улуғбек Бабамуратов Сурияда ўлдирилди.

“Катибат Ал-Имом Бухорий” Суриядаги энг йирик ўзбек тузилмаси ҳисобланади. Гуруҳ Суриянинг шимоли-шарқидаги жанговар ҳаракатларда муҳим рол ўйнайди, турли террорчилик тузилмалари, шу жумладан “Ан-Нусра фронти ал – қоида” бўлинмаси билан жанг қилган. 2015 йил декабр ойида у болалар учун ўқув лагерининг видеотасвирини нашр этган, у ерда уларга қурол ишлатиш ва ундан ўқ отиш ўргатилаётган тасвирлар бўлган ва 2017 йил апрел ойида тўқнашувларда қатнашган қуролланган эркаклар тасвирланган видеотасвир ҳам эълон қилинган. 2018 йилда АҚШ Давлат департаменти гуруҳни террорчилик ташкилотлари рўйхатига киритган.

Улуғбек Бабамуратов Тошкентнинг Юнусобод туманида вақтинча рўйхатга олинган, маълумоти ўрта. 2009-2010 йилларда у Термизда жиҳодчилар жамоасини ташкил этиб, унга раҳбарлик қилган.

2011 йилда жамоа аъзоларининг аксарияти ҳуқуқни муҳофаза қилиш органлари томонидан ҳибсга олинган, қолганлари қидирувга берилган. Мамлакатдан қочиб кетган жиҳодчилар аввал Россияда бошпана топиб, кейин Туркияга кўчиб кетишган.

2013 йил май ойида Улуғбек Бабамуратов Сурияда "Катибат Ал-Имом Бухорий" халқаро террорчилик ташкилотини ташкил этган. Ўша йили унга нисбатан Жиноят кодексининг 244-2-моддаси (диний экстремистик, сепаратист, фундаменталист ёки бошқа тақиқланган ташкилотларда ташкил этиш, раҳбарлик қилиш, иштирок этиш) бўйича жиноят иши қўзғатилган, ва у қидирувда деб эълон қилинган.

"Ҳозирги вақтда Бабамуратовнинг Суриядаги жангларда ўлдирилгани ҳақида тезкор маълумотлар қайд этилган.

• O'lim
• Suriya
• Термиз
• Терроризм
• Тошкент