Энди Сурияда Россия, Эрон ва Исроилдан товарлар импорт қилиш тақиқланди. Бу ҳақда Al Arabiya хабар бермоқда.

Таъкидланишича, агарда ушбу уч давлатдан маҳсулотлар аниқланса, улар мусодара қилинади.

Шунингдек, Al Арабияда ёзилишича: Иқтисодиётни қўллаб-қувватлаш мақсадида янги ҳукумат доллар операцияларига рухсат берганини эълон қилган ва ягона божхона тўловларининг янги тўпламини 50 фоиздан 60 фоизгача пасайтиришни тасдиқлаган.

Қайд этилишича, ҳукуматнинг бу қарори Сурияга бошқа мамлакатлар, жумладан, АҚШдан импорт оқимига йўл очган.

Ҳозирги кунда Дамашқдаги дўконлар “импорт қилинаётган маҳсулотлар билан тўлган: туркча шиша сув ва Саудия озиқ-овқат маҳсулотларидан тортиб, Twix ва Snickers каби ғарбий шоколадлар, шунингдек, Pepsi ва бошқа халқаро брендлар ичимликларига қадар”, – дейилади хабарда.

Шунингдек, Суриянинг янги ҳокимияти қабул қилган қарор маҳаллий ишлаб чиқарувчиларни қўллаб-қувватлаш учун хомашё импортини енгиллаштиради ва саноатни рағбатлантиради.