Бош прокуратура ҳузуридаги Департаментнинг Бухоро вилояти бошқармаси ва ҳудудий бўлимлари томонидан ўтказилган тезкор тадбирларда “Ҳ.Б.” оилавий корхонаси, ЯТТ “Ҳ.Ж.”, “Р.Д.” ва “Д.Т.” ҳамда “М.О.” МЧЖларга тегишли савдо дўконларида турли номдаги жами 848 дона қалбаки акциз маркали алкоголь маҳсулотлари сотувга қўйилганлиги аниқланиб, ушбу маҳсулотлар ашёвий далил сифатида олинган.

Шунингдек, Департаментнинг Шўрчи тумани бўлими томонидан ўтказилган тезкор тадбирда фуқаро Ж.Й.га тегишли савдо дўконидан умумий баҳоси 23 млн сўмлик жами 511 дона тегишли ҳужжатлари бўлмаган ҳамда қалбаки акциз маркали алкоголь маҳсулотлари ашёвий далил сифатида олинган.

Бу ҳақда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти ахборот хизмати хабар берди.

Мазкур ҳолатлар юзасидан Жиноят кодексининг 176-моддаси (қалбаки пул, акциз маркаси ёки қимматли қоғозлар ясаш, уларни ўтказиш) билан жиноят ишлари қўзғатилиб, тергов ҳаракатлари ўтказилмоқда.

Аввалроқ, Ўзбекистон Республикасининг Истанбул шаҳридаги Бош консулхонаси томонидан қалбаки спиртли маҳсулотларни истеъмол қилиш натижасида Туркияда 17 нафар ўзбекистонликлар вафот этганлиги ҳақида хабар берилган эди.

• Aлкогол
• Бухоро
• Прокуратура
• Сурхондарё
• qalbaki