Сурхондарё вилояти, Термиз шаҳрида яшовчи 25 ёшли (аёл) Р.Л. Киберхавфсизлик марказига мурожаат қилиб, Telegram мессенжерида “Санъат” исмли шахс билан яқиндан танишиб, унга жами 42 млн 274 минг сўм миқдоридаги пулларини ташлаб бериб, уни қайтариб ололмаётгани юзасидан мурожаат қилган.

Олиб борилган тезкор-қидирув тадбирлари натижасида, ушбу жиноятни Сурхондарё вилояти, Термиз шаҳрида яшовчи 23 ёшли А.С. исмли шахс содир этгани аниқланган.

Унга кўра, А.С., Р.Л. билан Telegram мессенжерида танишиб, маълум вақт ишқий муносабатда бўлиб келган. А.С. ушбу яқинликдан фойдаланиб, унга пул жуда зарур бўлиб қолганлигини важ қилиб, жабрланувчидан пластик карта орқали жами 42 млн 274 минг сўм миқдоридаги пулларини ўтказиб олишга эришиб, Р.Л.нинг қўнғироқларига жавоб бермай, уни қора рўйхатга киргизиб қўйгани маълум бўлган.

Маълум қилинишича, мазкур ҳолат юзасидан А.С.га нисбатан Ўз.Рес ЖКнинг 169-моддаси 3-қисми билан жиноят иши қўзғатилиб, тергов ҳаракатлари олиб борилмоқда.

• Киберхавфсизлик
• Сурхондарё
• Телеграм