Сурхондарёда МЧЖни қасддан банкротликка олиб келиш ҳолати маълум бўлди. Бу ҳақда Иқтисодий жиноятларга қарши курашиш департаменти хабар берди.
Қайд этилишича, Департаментнинг Сурхондарё вилояти бошқармаси томонидан терговга қадар текширув ўтказилган. Унда “P.Т.” МЧЖ раҳбари А.Т. ва бошқалар МЧЖнинг 841,8 млн сўм дебиторлик қарздорлиги мавжуд бўлса-да, МЧЖни тўловга қобилиятсиз деб топиш ва тугатишга доир иш юритиш жараёнида ушбу маълумотларни яшириб келган. Шунингдек, Термиз туманлараро Иқтисодий судининг тугатиш тўғрисидаги ажримига асосан 369,9 млн сўм солиқ қарзини ҳисобдан чиқариб юборган.
Натижада солиқ ва бошқа мажбурий йиғимларни тўлашдан бўйин товлаб, МЧЖни қасддан тўловга қобилиятсизлигига (банкротликка) олиб келганликлари аниқланган.
Ушбу ҳолат юзасидан Жиноят кодексининг 184-моддаси (солиқлар ёки йиғимларни тўлашдан бўйин товлаш) ва 181-1-моддаси (қасддан банкротликка олиб келиш) билан жиноят иши қўзғатилиб, тергов ҳаракатлари ўтказилмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!