“6 июнь кечаси Россия армияси Украина ҳудудига 407 та дрон ва 44 та ракета (шундан 6 таси баллистик, 38 таси қанотли ракета) учирди”, — дея хабар берди Украина Қуролли кучлари вакили Юрий Игнат.

Унинг сўзларига кўра, Украина ҳаво мудофааси тахминан 30 та ракета ва 200 га яқин дронни уриб туширган.

Россия томонидан Украинага қарши амалга оширилган кенг кўламли ҳужум оқибатида Киев, Тернопол, Лутск ва бошқа шаҳарларда турар-жой бинолари ва корхоналар зарар кўрган. Сўнгги маълумотларга кўра, 4 киши ҳалок бўлган, 40 га яқин инсон яраланган.

Айрим россиялик ОАВлар, масалан, “Аргументй и фактй” нашри бу кенг кўламли ҳужумни “қасос” деб атади.

• Havo hujumi
• Raketa
• Россия
• Украина
• Уруш