“Таиланд бош вазири Пхетхонгтхан Чинават хорижликлар учун визасиз режим муддатини қайта кўриб чиқиш, уни 60 кундан 30 кунгача қисқартириш ҳақида буйруқ берди”, – деб ёзмоқда ТАСС.

Бу ҳақда қиролликнинг жамоатчилик билан алоқалар давлат департаменти хабар берди.

“Яқинда Бош вазир Пхетхонгтхан Чинават визасиз кириш тизимини қайта кўриб чиқишни буюрди, чунки баъзи ташриф буюрувчилар рухсат этилганидан кўпроқ вақт қолиш ва ноқонуний ишлаш каби қонунларни бузаётгани аниқланди. Тегишли идоралар, жумладан, ТИВ, ИИВ, туризм ва спорт вазирликларига ушбу тизимнинг самарадорлигини, айниқса, бўлиш муддатини ўрганиш, унинг туризмни ривожлантириш мақсадига мос келишини таъминлаш таклиф этилди. Айни пайтда визасиз кириш тизими Таиландга сайёҳлик ёки зудлик билан ишлаш мақсадида 60 кунгача бўлган 93 мамлакат ва ҳудудлар фуқаролари учун амал қилади, визасиз режим 30 кундан ортиқ бўлмаган муддатга узайтирилиши мумкин”, — дейилади департамент хабарида.

2024 йил 15 июлда Таиланднинг ўша пайтдаги бош вазири Сеттха Тхависин қиролликка сайёҳлик мақсадида ташриф буюрадиган 93 мамлакат ва ҳудуддан ташриф буюрувчилар учун 60 кунгача визасиз режим жорий этиш тўғрисидаги фармонни тасдиқлаган эди.

• Tailand
• Виза