Олий таълим, фан ва инновациялар вазирлиги ҳузуридаги Рақамли таълим технологияларини ривожлантириш марказининг маълум қилишича, талабалар турар жойи учун ариза юбориш бошланди.

Унга кўра, бугун, 1 августдан бошлаб талабалар аризаларини my.gov.uz портали орқали юборишлари мумкин.

Дастлаб имтиёз ва устуворликларга эга талабгор талабалар турар жойларига қабул қилинади.

Шундан сўнг, умумий рўйхатдаги талабалар учун ётоқхонада ортиб қолган ўринлар сонига нисбатан навбат асосида тақсимланади.

Қайд этилишича, аризалар қабули 1 августдан бошлаб ўқув йили якунига қадар давом этади.

Маълумот учун, 2024/2025-ўқув йилида ОТМ 1-босқичига тавсия этилган абитуриентлар якуний натижа чиққандан сўнг ариза юборишлари мумкин бўлади. Улар учун ҳам жойлар юқоридаги тартиб асосида ажратилади.

• Олий таълим
• Талабалар