“Ташаббусли бюджет”нинг жорий йил 2-мавсумидаги лойиҳаларга овоз бериш бошланди. Бу ҳақда Иқтисодиёт ва молия вазирлиги хабар берди.

“Очиқ бюджет” портали орқали киритилган таклифларга қуйидаги тартибда овоз берилади:

Openbudget.uz сайтига кирилади;

“Ташаббусли бюджет” бўлими танланади;

“Овоз бериш” тугмаси босилади;

Мавжуд таклифлардан биттаси танланиб, устига босилади;

“СМС орқали” тугмаси танланади;

Телефон рақам киритилиб, математик амал бажарилади;

“СМС кодни юбориш” тугмаси босилади;

мобил телефонга келган СМС код киритилиб, яна “СМС кодни юбориш” тугмаси босилади.

Овоз бериш жараёнлари 27 августдан 16 сентябрга қадар давом этади.

• опен бюджет