Кеча Ҳиндистоннинг Калкутта шаҳрида шахмат бўйича “Тата Steel Chess India” турнири бошланган эди.

Олтинчи бор ўтказилаётган нуфузли мусобақанинг мукофот жамғармаси 41 500 АҚШ долларини ташкил этади. Турнир 9 тур рапид (25+10) ва 18 тур блитс (3+2) йўналишида ўтказилиб, унда биринчи рақамли шахматчимиз Нодирбек Абдусатторов ҳам бош соврин учун баҳс олиб бормоқда.

Қувонарлиси, Нодирбек биринчи кунги баҳслардан сўнг турнир жадвалида пешқадам бўлиб олди. У кеча ўтказилган 3 та партиянинг 2 тасида ғалаба ва бирида дуранг қайд этди. Нодирбек аввалига ФИДЕ байроғи остида ҳаракат қилаётган россиялик Данил Дубов билан муросага келди. Сўнгра германиялик Винсент Кеймер ҳамда ҳиндистонлик Рамешбабу Прагнанандҳани устидан ғалабага эришди.

Уч имкониятдан икки ярим очко жамғарган Абдусатторов бугунги баҳслар олдидан турнир жадвалида биринчи ўринда бормоқда.

• Nodirbek Abdusattorov
• Шахмат
• turnir