Ҳиндистоннинг Калкутта шаҳрида ўтказилаётган шахмат бўйича “Tata Steel Chess India” турнирининг сўнгги кунида блиц баҳслари давом эттирилади ва мусобақа якунига етади.

Кеча турнирда блиц йўналишининг дастлабки 9 та тури ўтказилиб, унда Нодирбек Абдусатторов 3 ғалаба, 2 дуранг ва 4 мағлубият билан 4 очко жамғарган ҳолда 6-ўринни эгаллаб турибди.

Рапид турнирида катта фарқ билан 1-ўринни эгаллаган жаҳон рейтинги пешқадами Магнус Карлсен 6,5 очко билан блицда ҳам пешқадамлик қиляпти.

Айни дамда “Tata Steel Chess India” турнирининг иккинчи кунги блиц баҳслари старт олган. Бугуннинг ўзида гроссмейстерлар қолган 9 та турда ҳисоб-китоб қилишади.

Нодирбек 1-турда ФИДЕ байроғи остида ўйнаётган россиялик Даниил Дубовга қарши баҳс олиб боради. Улар ўртасидаги рапид учрашувида ҳам, кеча ўтказилган илк кунги блитсда ҳам дуранг натижа қайд этилганди.

Нодирбек Абдусатторов ва Магнус Карлсен ўртасидаги блиц партияси ҳам 4-турга тўғри келмоқда ва тахминан соат 14:30 да бошланади.

• Nodirbek Abdusattorov
• Шахмат