“Ўзбекистон Бош консулхонаси кўмагида Татаристонда оғир касалликка чалинган юртдошимиз Ўзбекистонга қайтарилди”, – деб хабар қилмоқда “Дунё” АА.

1968 йилда туғилган Х.И. вақтинча ишлаш учун Татаристонга борган. Иш жараёнида соғлиғида кузатилган жиддий муаммолар туфайли у Татаристон шифохонасига ётқизилган. Бемор Ўзбекистонга қайтаришларини сўраб, мамлакатнинг Қозон шаҳридаги Бош консулхонасига мурожаат қилган.

Бош консулхона ходимлари Х.И.ни Ўзбекистонга қайтаришга қаратилган тиббий тайёрлов жараёнларни шифокорлар билан ҳамкорликда мувофиқлаштириб, зарур консуллик-ҳуқуқий ва амалий ёрдамни қисқа вақт ичида якунладилар.

Ўзбекистон Бош консулхонаси, Uzbekistan airways миллий авиакомпанияси ваколатхонаси ва Миграция агентлиги вакили билан биргаликда Х.И.нинг “Қозон–Тошкент” йўналиши бўйича оиласи бағрига соғ-саломат етиб олиши таъминланган.

• Татаристон
• Uzbekistan airways
• fuqaro