Олий суд матбуот хизматининг хабар беришича, бугун, 17 июль куни Тошкент вилоят судида 2002 йилда Тошкент шаҳрида туғилган йигитга оид жиноят иши унинг ҳимоячилари томонидан жиноят ишлари бўйича Оққўрғон туман судининг 8 майдаги ҳукми устидан берилган апелляция шикоятларига асосан апелляция тартибида кўриб чиқиш бўйича очиқ суд жараёни якунланди.

Унга кўра, Тошкент вилоят суди жиноят ишлари бўйича судлов ҳайъати апелляция инстанциясининг ажрими билан биринчи инстанция судининг айбланувчига нисбатан чиқарилган ҳукми ўзгаришсиз, шикоятлар эса қаноатлантирилмасдан қолдирилди.

Қайд этилишича, ушбу ажрим устидан Олий суднинг Жиноят ишлари бўйича судлов ҳайъатига кассация тартибида шикоят берилиши ёки протест билдирилиши мумкин.

Маълумот учун, 21 ёшли Жаҳонгир Улуғмуродов 2022 йилда синфдошлари мавжуд Telegram гуруҳига YouTube'даги диний қўшиқ – нашида учун ҳавола юборган. Нашида Дин ишлари бўйича қўмитанинг хулосаси билан "ақидапарастлик ғоялари билан йўғрилган" деб топилган. Натижада айбланувчига нисбатан 3 йилга озодликдан маҳрум қилиш жазоси тайинланган.

• Олий суд