ЙҲХХ маълум қилинишича, 30 март куни тунги вақтда Яшнобод тумани кўчаларининг бирида Malibu ва Leapmotor автомашиналари иштирокида тўқнашув содир бўлган. Ҳайдовчилар ўртасида тортишув юзага келгани учун Leapmotor ҳайдовчиси 102 рақамига қўнғироқ қилиб, давлат рақам белгисига эга бўлмаган Malibu ҳайдовчиси авария содир этиб, унга нисбатан қўполлик қилаётганини билдирган. Мурожаатга асосан тезкорлик билан воқеа жойига етиб борган йўл патруль хизмати ходимлари ҳолатни расмийлаштириш чоғида маст ҳолатда машина бошқариб келган Malibu ҳайдовчисига алкотестер мосламаси орқали текширувдан ўтишни таклиф қилишган. Ходимларнинг қонуний талабига бўйсунмаган маст ҳайдовчи уларга фаол қаршилик кўрсатиб, ППХ ходимидан бирига мушт ҳам туширган.

Ушбу ҳайдовчи бошқа ходимлар ҳаёти, соғлиғига зарар етказишнинг олдини олиш мақсадида махсус воситалардан фойдаланиб, зарарсизлантирилган.

Ҳозирда қонунбузар процессуал тартибда ушланиб, унга нисбатан Яшнобод тумани прокуратураси томонидан Жиноят кодексининг 219-моддаси 2-қисми, ҳокимият вакилига қаршилик кўрсатиш, 277-моддаси (безорилик)3-қисми “г” банди, безорилик ҳаракатларининг олдини олиш чорасини кўрган ходимга қаршилик кўрсатиш билан жиноят иши қўзғатилди.

• Бахтсиз ҳодиса
• Жиноят
• Прокуратура
• Тошкент
• ЙҲХБ
• Яшнобод тумани