Қатар пойтахти Доҳа шаҳри мезбонлигида ўтаётган ITF таснифига кирувчи турнир тобора якунланиб бормоқда.

Унда иштирок этаётган ўзбекистонлик ракетка устаси Ҳумоюн Султонов ҳиндистонлик шериги Парикшит Сомани билан бирга мусобақанинг жуфтлик баҳслари ғолибига айланди.

Куни кеча улар финал учрашувида италиялик Жакопо Берреттини ҳамда эстониялик Кристиан Тамм жуфтлигини мағлуб этишди — 7/6(3), 6/2.

Маълумот учун, дунёнинг 490-ракеткаси бўлиб турган 24 ёшли Ҳумоюн яккаликнинг ярим финалида АТП рейтингида 780-поғонада бораётган Кристиан Таммга 6/7, 4/6 ҳисобида имкониятни бой бериб қўйган эди.

• Ўзбекистон
• Қатар
• Теннис