Келиб чиқиши эфиопиялик бўлган канадалик хонанда The Weeknd (асл исми Эйбел Тесфайе) дунёдаги энг машҳур хонанда деб тан олинди ва унинг исми “Гиннесс рекордлари” китобига киритилди.

33 ёшли хонанда “Spotify” платформаси тарихида бир ой давомида қўшиқлари энг кўп тингланган (111,4 миллион марта) ижодкор бўлган.

The Weeknd платформадаги мухлислари сони бўйича ўзидан кейинги ўринларда турган таниқли ижодкорлар – Майли Сайрус, Шакира, Ариана Гранде, Рианна ва бошқаларни ортда қолдириб кетган.

Таъкидлаш керакки, бу ижодкорнинг биринчи рекорди эмас. 2016 йилда The Weeknd мазкур платформадаги энг машҳур альбом муаллифи сифатида рекорд ўрнатган эди. Унинг “Blinding Lights” композицияси эса “Spotify” тарихида энг кўп қидирилган қўшиқ бўлган.

• Гиннес
• Шоу-бизнес
• машҳурлар
• рекорд