Тибет жануби-ғарбидаги Ньингчи шаҳрида қор кўчкиси оқибатида камида 28 киши ҳалок бўлди. Бу ҳақда Хитойнинг “Xinxua” ахборот агентлиги хабар берди.

Қайд этилишича, қутқарувчилар қор остидан 8 нафар одамнинг жасадини топишган. Кейинчалик яна 20 кишининг ҳалок бўлгани, 8 киши эса бедарак йўқолгани маълум бўлди.

Воқеа жойида қидирув-қутқарув ишлари 20 январь куни якунланган. Унда жами 1348 киши, жумладан, ўт ўчирувчилар, ҳарбийлар ва кўнгиллилар ҳамда 236 та техника иштирок этди. Улар биргаликда жабрланганларни қор остидан қутқариш учун 7,5 километрлик ўтиш жойига асфальт ётқизилган. Қутқарувчилар 53 кишини сақлаб қолишга муваффақ бўлган, бироқ уларнинг беш нафари оғир тан жароҳати олган.

Қор кўчкиси дастлаб 17 январь куни кечқурун содир бўлган ва Тибет автоном вилоятидаги автомобиль туннелига кириш жойларини беркиитиб қўйган. Натижада одамлар машиналар ичида қолиб кетган. Фавқулодда хизматлар маълумотларига кўра, қор кўчишига минтақада кучли шамол ва ҳаво ҳароратининг кўтарилиши сабаб бўлган.

• Qor
• Tibet