Маълумотларга кўра, “Толибон” алоқа вазири вазифасини бажарувчи Нажибуллоҳ Ҳаққоний Афғонистонда Facebook блокланишини айтган. Бу ҳақда “Sputnik Afg‘oniston” хабар берди.

“Толибон” расмийси вазирлик томонидан мазкур ижтимоий тармоқни блокировка қилиш режасини ишлаб чиқиш якунланганини айтди. Қарорга афғон ёшларининг аксарияти ўқимаганлиги ва ривожланиш ўрнига ижтимоий тармоқларда вақт ўтказиб, мамлакатга зарар етказаётгани сабаб бўлган, — дейди Нажибуллоҳ Ҳаққоний.

Шунингдек, у собиқ ҳукумат даврида ҳам, аслида Афғонистоннинг катта қисми ҳақиқатда “Толибон” томонидан назорат қилингани, телекоммуникация тармоқлари операторлари уларга ўз объектлари хавфсизлиги учун пул тўлаганини таъкидлади.

Эслатиб ўтамиз, Афғонистонда TikTok ижтимоий тармоғи ва Player Unknown Battlegrounds (PUBG) онлайн компьютер ўйини аллақачон тақиқланган.

• Facebook
• TikTok
• Tolibon