Толибон етакчиси Ҳибатуллоҳ Охундзода афғон расмийларига ҳукумат лавозимларига ёллаган қариндошларини ишдан бўшатишни буюрди. Бу ҳақда ББC хабар берди.
Охундзода фармонида айтилишича, мансабдор шахслар ҳукумат лавозимларига тайинланган ўғиллари ёки бошқа оила аъзоларини ишдан бўшатишлари ва келажакда қариндошларини ишга олишдан сақланишлари керак.
Толибон 2021 йилда ҳокимиятни қўлга киритгач, айрим юқори мартабали амалдорларни ишдан бўшатган, бошқалари эса қочиб кетган.
Покистонда жойлашган Афғонистон Исломий матбуотининг хабар беришича, фармон Толибоннинг бир неча юқори мартабали амалдорлари ўз ўғилларини ҳукуматдаги лавозимларга тайинлагани ҳақидаги миш-мишлар ортидан чиққан.
Фармон сурати шанба куни Маъмурий ишлар бошқармасининг Тwitter’даги саҳифасига жойлаштирилди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!