Давлатимиз раҳбари бугун Сурхондарё вилоятига қилган ташрифи давомида Сариосиё туманидаги машҳур Тўпаланг дарёсида қурилаётган янги электр станцияси қурилишига тамал тоши қўйди. Бу ҳақда Президент матбуот хизмати маълум қилди.

Бундан кўзланган мақсад мамлакатимизда қайта тикланувчи энергия манбаларини кўпайтириш. Жумладан, гидроэнергетикада бир оқим орқали кўп марта “яшил энергия” ҳосил қилишга эришишдир.

Шу боис Президентимизнинг 2017 йил 17 октябрдаги қарорига мувофиқ, Тўпаланг дарёсида кичик электр станциялари қурилган. Хусусан, 2020 йил декабрда 37 мегаваттли “Зарчоб-1” ҳамда 2021 йил сентябрда 38 мегаваттли “Зарчоб-2” ГЭСлари ишга туширилди. Бугунги кунда уларда 48 мингта хонадонга етадиган электр энергияси ҳосил қилиш режалаштирилган.

• Бойсун
• Президент
• Сурхондарё
• Ташриф