Самарқандда бўлиб ўтаётган халқаро иқлим форуми доирасида “Silk Road Samarkand” туризм маркази ҳудудида боғ барпо этилмоқда.

Бугун, 4 апрель куни форумга ташриф буюрган хорижий давлатлар ва Европа Иттифоқи расмий делегациялари, БМТ ташкилотлари, халқаро ташкилотлар, илмий институтлар, етакчи компаниялар, нодавлат нотижорат ташкилотлари ва оммавий ахборот воситалари вакиллари иштирокида боғда дарахт экиш маросими бўлиб ўтди.

Маросимда ҳудуд иқлимига мос дарахтлар экилди. Хусусан, 30 та мажнунтол, 40 та акация, 40 та япон сафораси, 35 та гужум, 30 та шумтол, 30 та оқ қайин ва 35 та мевали дарахт кўчатлари ўтқазилди.

• Самарқанд
• саммит