Қирғизистон президенти Садир Жапаров 3 апрель куни Самарқандга келди.
У Шавкат Мирзиёев раислигида ўтадиган “Марказий Осиё — Европа иттифоқи” биринчи саммитида иштирок этиш учун Ўзбекистонга ташриф буюрди. Самарқанд халқаро аэропортида уни бош вазир Абдулла Арипов ва бошқа расмийлар кутиб олди.
Шундан сўнг, Садир Жапаров ташриф дастурига мувофиқ навбатдаги манзилга жўнаб кетди.
“Марказий Осиё—Европа иттифоқи” биринчи саммити
Ушбу саммит Самарқанд шаҳрида 3—4 апрель кунлари бўлиб ўтади. Шавкат Мирзиёев раислигида ўтадиган саммит ишида Европа кенгаши президенти Антониу Кошта, Европа комиссияси президенти Урсула фон дер Ляен, Қозоғистон республикаси президенти Қосим-Жўмарт Тўқаев, Қирғиз Республикаси президенти Садир Жапаров, Тожикистон президенти Эмомали Раҳмон ва Туркманистон президенти Сердар Бердимуҳамедов иштирок этади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!