Тошкентга етиб келган йўловчилар энди тўғридан-тўғри аеропортда автомашинани ижарага олиш имкониятига эга бўлди. Хизмат Тошкент халқаро аеропортининг учиб келиш залидан чиқишда жойлашган.

Автомобилни ижарага олиш учун пойтахт аеропортига келган йўловчи шахсини тасдиқловчи ҳужжат ва ҳайдовчилик гувоҳномасини тақдим этиши керак. Шундан сўнг, автомобилни танлаши, шартнома тузиши ва депозит ёки ижара ҳақини тўлиқ тўлаши лозим. Рўйхатдан ўтиш тугаллангандан сўнг, йўловчига автомобил калити берилади ва машина олдига кузатиб қўйилади.

Мазкур паркда йўловчи маҳаллий ёки хорижий ишлаб чиқарувчи автомобилини, шунингдек, электромобил ёки бензинда ишлайдиган автомобилни танлаши мумкин. Унда, ишлаб чиқарилган йили тўрт йилдан, юрган масофаси 80 минг км.дан ошмайдиган автомобиллар ижарага берилади.

• Аэропорт
• Автомобил
• Ijara to'lovi
• Тошкент