Дубайдан қайтган Ўзбекистон фуқароси Тошкент аэропортида касал бўлиб қолди. Аёл тез ёрдам машинасида шифохонага олиб кетилган бироқ шифокорлар унинг ҳаётини сақлаб қола олмаган.

Uzbekistan Airports матбуот хизмати ушбу ҳодиса юзасидан муносабат билдирди.

“Жорий йилнинг 7 октабр куни Тошкент вақти билан соат 17:34 да “Тошкент” халқаро аэропорти тиббиёт пунктига йўловчининг келиш залида ўзини ёмон ҳис қилаётгани ҳақида қўнғироқ келиб тушган. HY-334 Дубай – Тошкент рейси билан келган 1986 йилда туғилган Ўзбекистон фуқароси (аёл) паспорт назоратидан ўтиб, дарҳол ёрдам сўраган. Йўловчи бош оғриғи ва соғлиғининг ёмонлигидан шикоят қилган. Касаллик тарихини инобатга олган ҳолда аэропорт тиббиёт пункти ходимлари биринчи тиббий ёрдам кўрсатиб, кейинги касалхонага ётқизиш учун шаҳар тез ёрдам хизматини чақиришди. Соат 18:32 да тез ёрдам машинаси йўловчини Тошкент аэропортининг қўниш залидан Республика шошилинч тиббий ёрдам илмий марказига олиб кетди” – дейилади хабарда.

Бош прокуратура матбуот котиби Ҳаёт Шамсутдиновнинг айтишича, аёл реанимация муолажаларига қарамай вафот этган.

• Аэропорт
• Ўзбекистон
• Тошкент