Тошкент шаҳар ҳокимлиги билан келишилмаган, айниқса йўл бўйлаб қурилган ноқонуний иншоотлар нафақат шаҳар инфратузилмаси, балки аҳолининг кундалик ҳаёти учун ҳам жиддий муаммолар туғдирмоқда. Автомобиль тўхташ жойлари ва кириш йўлларининг йўқлиги ҳайдовчиларнинг тез харид қилиш эҳтиёжини қондириш учун бошқа ҳаракатланувчилар ва пиёдаларга ноқулайликлар туғдирмоқда.

Шунингдек, бундай иншоотлар:

– Ирригация тизимига зарар етказиб, сув чиқариш каналларини тўсиб қўяди ва баҳор мавсумида ҳудудларни сув босиш хавфини оширади.

– Болалар аравалари ва имконияти чекланган шахсларнинг ҳаракатланишини қийинлаштиради.

– Шаҳарнинг меъморий кўринишини бузади, яшил ҳудудларга киришни тўсади ва умумий шаҳар қиёфасига зид келади.

Айни дамда тегишли таҳлиллар олиб борилиб, ихтисослаштирилган хизматлар томонидан ноқонуний қурилмаларни бартараф этиш ишлари давом эттирилмоқда.

“Тошкент шаҳри аҳолиси ва тадбиркорларига мурожаатимиз:

– Маиший ва тижорат бинолари, турар-жой иморатлари учун мавжуд ҳужжатларингизни шаҳарсозлик меъёрларига мувофиқлигини қайта текширишни тавсия қиламиз.

– Кўчмас мулк сотиб олишда эҳтиёткор бўлинг, юридик хизматлардан маслаҳат олинг. Тошкент шаҳар кадастр хизматлари томонидан берилган ҳужжатларсиз бошқа ҳеч қандай ҳужжат турлари қонуний кучга эга эмаслигини йодда тутинг.

Потенциал харид билан боғлиқ барча тафсилотларни аниқлаштириш учун ваколатли органларга шахсан ёки давлат хизматларининг онлайн тизимлари орқали мурожаат қилинг.

Фақат ишончли ва расмий ахборот манбаларига мурожаат қилинг.

Аниқ маълумот олиш учун, Тошкент шаҳар ҳокимлиги матбуот хизматига 71 210-01-63 рақами орқали ёки ижтимоий тармоқлар орқали боғланишингиз мумкин”, – дейилади ҳокимликнинг пойтахт аҳолисига мурожаатида.

• Ҳокимлик
• Мурожаат
• Poytaxt
• Тошкент