Соғлиқни сақлаш вазирлигининг тегишли буйруғи билан Исабеков Ботирбек Абдулла ўғли Тошкент шаҳар соғлиқни сақлаш бош бошқармаси бошлиғи вазифасини бажарувчи этиб тайинланди. Бу ҳақда Соғлиқни сақлаш вазирлиги матбуот хизмати хабар бермоқда.

Қайд этилишича, Б.Исабеков 2001 йили Иккинчи Тошкент давлат тиббиёт институтининг бакалавриат, 2003 йили Биринчи Тошкент давлат тиббиёт институтининг ординатура босқичларини тамомлаган.

Шунингдек, у меҳнат фаолияти давомида Учтепа туманидаги 30-сон оилавий поликлиника ҳамда ушбу туман тиббиёт бирлашмасида бош шифокор муовини, Тошкент шаҳар соғлиқни сақлаш бош бошқармаси бошлиғи ўринбосари, бошлиғи каби масъул лавозимларда ишлаган.

Б.Исабеков тайинловга қадар Тошкент шаҳар соғлиқни сақлаш бош бошқармаси бошлиғининг ўринбосари сифатида фаолият кўрсатиб келаётган эди.

• SSV
• Тошкент