Бош прокуратура ҳузуридаги Департаментнинг Янгийўл тумани бўлими томонидан ўтказилган терговга қадар текширувда фуқаро К.Ш. “Самарқанд” МФЙ ҳудудидаги умумий овқатланиш шохобчасида тижорат мақсадида умумий фойдаланишдаги электр тармоғига тўғридан-тўғри уланиб, 433,5 млн сўмлик электр энергиясидан ноқонуний фойдаланганлиги аниқланган. Бу ҳақда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти хабар берди.

Шу каби, Департаментнинг Янги Наманган тумани бўлими томонидан ўтказилган терговга қадар текширувларда “Н.К.” МЧЖ масъул шахслари МЧЖга тегишли иссиқхонада тижорат мақсадида умумий фойдаланишдаги электр тармоғига тўғридан-тўғри уланиб, 186,6 млн сўмлик, ЯТТ “Х.Р.” (муқаддам судланган) ва фуқаро Ш.Р. “Оромгоҳ” МФЙ ҳудудидаги нонвойхонада табиий газ тармоғига ўзбошимчалик билан уланиб 148,3 млн сўмлик энергия ресурсларидан ноқонуний фойдаланганликлари аниқланган.

Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлар ўтказилмоқда.

• Бош прокуратура
• Ўзбекистон