Тошкент вилоятида пойтахтдаги экологик вазиятни ёмонлаштирадиган иссиқхоналар текширила бошланди. Бу ҳақда Экология вазирлиги хабар бермоқда.

Маълумотларга кўра, тунда 39 та иссиқхона текширилган. Хусусан, Тошкент туманида 13 та, Қибрай туманида 10 та, Зангиота туманида 16 та иссиқхона текширилди. Текширувлар натижасида шиналарни ёқилғи сифатида ишлатган 8 та иссиқхонани аниқланди. Қонунбузарлар Республика қонунчилигига мувофиқ жаримага тортилди.

Таъкидлаш жоизки, Тошкентда узоқ вақт давомида экология билан боғлиқ оғир вазият юзага келган. Тошкент шаҳри кўпинча дунёнинг йирик шаҳарлари орасида ҳавонинг ифлосланиши бўйича етакчи ўринлардан бирини эгалламоқда.

• Экология
• Ўзбекистон
• Toshkent viloyati