31°
Кечаси 18°
23 мартдан бошлаб Тошкент–Чорвоқ йўналишидаги мавсумий автобус ҳаракати қайта йўлга қўйилади. Бу ҳақда “Тошшаҳартрансхизмат” хабар берди.
Йўналишга MAN RR3 русумли туристик автобуслар бириктирилади. Ушбу автобуслар 47 ўриндиқли бўлиб, кондиционерлар билан жиҳозланган. Йўл кира нархи 25 000 сўмни ташкил этади.
Биринчи қатнов “Машинасозлар” метро бекатидан ҳар куни соат 6:00 да бошланади. Қатновлар ҳар 1,5 соатда амалга оширилади. Йўл вақти 1 соат 30 дақиқани ташкил этади. Сўнгги қатнов соат 20:30 да Чорвоқ томондан амалга оширилиб, соат 22:00 да “Машинасозлар” метросида якунланади.
Йўналишдаги автобуслар ҳаракатини “Машинасозлар” метросидан бошлаб, Махтумқули кўчаси, Янги Ўзбекистон боғи, Хожикент мавзеси, Чиноркент маскани орқали Ҳумсон қўрғонигача давом эттиради.
Йўловчилар тўловни нақд пулда ёки банк карталари орқали амалга ошириши мумкин.
Ушбу йўналишдаги аввалги қатновлар 2025 йил 1 июлдан йўлга қўйилиб, куз мавсумида тўхтатилган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
