Шаҳарда миллийликни кенг тарғиб қилишга қаратилган "Миллий Тошкент" лойиҳаси асосида амалга ошириладиган ишлар юзасидан чора-тадбирлар режаси тасдиқланди.

Миллий либослар ва миллийликни тарғиботини ўз ичига олган “Миллий Тошкент” лойиҳаси амалга оширилади.  Бу ҳақда 21 январь куни Тошкент шаҳар ҳокими Шавкат Умурзоқов “Тошкент шаҳрида миллийликни кенг тарғиб қилишга доир қўшимча чора-тадбирлар тўғрисида”ги қарорида назарда тутилади.

Қарорга кўра, шаҳардаги давлат ишхоналари ходимларига миллий либосларда юриш тавсия этилди. Тошкент шаҳрида миллийликни кенг тарғиб қилиш бўйича Тошкент шаҳар ишчи гуруҳи тузилган.  Шаҳарда миллийликни кенг тарғиб қилишга қаратилган "Миллий Тошкент" лойиҳаси асосида амалга ошириладиган ишлар юзасидан чора-тадбирлар режаси тасдиқланди.

Шаҳар ишчи гуруҳининг асосий вазифалари этиб қуйидагилар белгиланди:

– миллий либослар ва миллийликни оммалаштиришга оид тарғибот материалларини ишлаб чиқиш;

– корхона, муассаса ва ташкилотлар ҳамда маҳалла фуқаролар йиғинлари билан  ҳамкорликни ташкил этиш;

оммавий тадбирлар даврида миллий либослар ва миллийликнинг мавқеини мустаҳкамланишини таъминлаш;

– миллий либослар ишлаб чиқарувчи тадбиркорлик субъектларини қўллаб-қувватлаш;

– мавзуга оид ўқув-семинарлари, танловлар ва бошқа тадбирларни ташкил этиш;

    – Шунингдек, қарорнинг бажарилиши юзасидан доимий назоратни амалга ошириш.

• Тошкент