Тошкент шаҳрининг Чилонзор туманида фуқаронинг автотураргоҳ фойдаланувчиларидан ноқонуний тўлов ундириб келганлик ҳолатига чек қўйилди. Бу ҳақда Чилонзор тумани ҳокимлиги матбуот хизмати хабар берди.

Маълум бўлишича, ижтимоий тармоқлар орқали “Чилонзор” метробекати ёнидаги аҳоли бепул фойдаланадиган автотураргоҳ ноқонуний равишда пулли автотураргоҳга айлантирилгани ҳақидаги мурожаат чоп этилган.

Мурожаатда кўрсатилган манзил туман ҳокимлиги мутасаддилари томонидан бориб ўрганилган. Ўрганишлар жараёнида фуқаро мазкур автотураргоҳни ўзбошимчалик билан пулли автотураргоҳга айлантириб олгани маълум бўлган.

Туман ҳокимлиги масъуллари томонидан ушбу фуқарога ноқонуний хатти-ҳаракатлари учун қонун доирасида жавобгарлик борлиги тушунтирилиб, унинг ноқонуний фаолиятига чек қўйилган ва автотураргоҳдан аҳоли тўловсиз фойдаланадиган бўлган.

• Avtoturargoh
• Тошкент