Бугун Тошкентда «Заковат» ўйинининг спортча версияси бўйича тарихда илк бор Марказий Осиё кубоги баҳслари бошланди.

Мусобақада Ўзбекистон, Қозоғистон, Қирғизистон, Тожикистон ва Туркманистондан 48 та жамоа иштирок этмоқда.

Мукофот жамғармаси 200 миллион сўм. Бунда белгиланган пул миқдори биринчи ўрин учун – 100 миллион, иккинчи ўрин учун – 60 миллион ва учинчи ўрин учун – 40 миллион сўм тарзида тақсимланади.

Бош соврин – қимматбаҳо кубок биринчи ва иккинчи ўринларни эгаллаган жамоалар ўртасидаги алоҳида курашда ўйналади.

Бугун саралаш ўйинлари бўлиб ўтмоқда, унинг натижаларига кўра, эртага бош совринни қўлга киритадиган 8 та жамоа аниқланади.

• Марказий_Осиё
• Тошкент
• Заковат