Тошкент вилоятида бир оиланинг 5 нафар аъзосини ўлдирган қотилга нисбатан умрбод озодликдан маҳрум қилиш жазоси тайинланди.

Бу ҳақда Олий суд матбуот котиби Азиз Обидов хабар берди.

Хабарга кўра, бугун, 28 ноябрь куни Тошкент делегациялари судида З.С.га (эркак, 1995 йилда Наманган вилоятида туғилган) оид жиноят ишини биринчи инстанциясида кўриб чиқиш бўйича суд жараёни якунланиб, суд ҳукми эълон қилинган.

Ушбу жиноят иши ёпиқ суд мажлисида кўриб чиқилган.

Суд ҳукмига мувофиқ З.С. Жиноят кодексининг 97-моддаси (Қасддан одам ўлдириш) 2-қисми “а”, “в”, “ж”, “з”, “и” бандлари, 118-моддаси (Номусга тегиш) 1-қисми, 134-моддаси (Қабрни таҳқирлаш), 164-моддаси (Босқинчилик) 3-қисми “в”, “г” бандлари ва 173-моддаси (Мулкни қасддан нобуд қилиш ёки унга зарар етказиш) 2-қисми “б” бандида назарда тутилган жиноятларни содир этганликда айбли деб топилиб, унга ЖКнинг 59-моддаси мувофиқ умрбод озодликдан маҳрум қилиш жазоси тайинланган. Жазони махсус тартибли колонияларда ўташ белгиланган.

“Биринчи инстанция судининг ҳукми устидан тарафлар қонунда белгиланган тартиб ва муддатда Тошкент делегациялари судининг жиноят ишлари бўйича судлов ҳайъатига апелляция ёки кассация тартибида шикоят бериш ва протест келтиришга ҳақлилиги маълум қилинади”, – дейилган хабарда.

Аввалроқ, суд жараёни бошланганлиги ҳақида хабар берган эди.

• Қотиллик
• Toshkent viloyati