31°
Кечаси 18°
Тошкент шаҳар ҳокими ўринбосари Шароф Раҳмонов ва Франция ташқи савдо ва хориждаги фуқаролар бўйича вазир-делегат Лоран Сен-Мартен Тошкент трамвай тизимини амалга ошириш бўйича “йўл харитаси”ни имзолади.
Бу ҳақда 12 март куни Франция Ташқи ишлар вазирлигида бўлиб ўтган вазирлик-идоралараро ҳужжатларни имзолаш маросимида қатнашган журналист Азиза Қурбонова хабар берди.
2022 йил ноябрида Тошкентда трамвай тизимини француз компанияси лойиҳалаштириши маълум қилинган эди. Шавкат Мирзиёевнинг ушбу мамлакатга ташрифи чоғида Ўзбекистон Транспорт вазирлиги ҳамда Франция Ташқи савдо, иқтисодий жозибадорлик ва хориждаги фуқаролар бўйича вазирлик ўртасида Тошкент трамвай тизими лойиҳаси бўйича келишув имзоланди.
Ҳужжатни бош вазир ўринбосари, инвестициялар ва ташқи савдо вазири Жамшид Хўжаев ҳамда унинг франциялик ҳамкасби Оливе Бешт имзолаган. Унга кўра, Тошкентда трамвай линияларини Франциянинг Alstom машинасозлик компанияси қуради. Лойиҳанинг қиймати 167,4 миллион еврога баҳоланган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
