АҚШнинг собиқ президенти Дональд Трамп 355 миллион доллар жарима тўламаса, унинг активлари, жумладан осмонўпар бинолари мусодара қилиниши мумкин. Бу ҳақда Нью-Йорк бош прокурори Летитиа Жеймс маълум қилди.

“Агар унинг жаримани тўлаш учун маблағи бўлмаса, биз қонуний механизмларни ишга туширамиз ва судьядан собиқ президентнинг активларини ҳибсга олишни сўраймиз”, —деди у.

Эслатиб ўтамиз, 16 февраль куни Нью-Йорк суди Трампни фуқаролик фирибгарлиги бўйича айбдор деб топди. Ҳокимият сиёсатчи ва унинг кўчмас мулк компаниясига 355 миллион доллар жарима тўлашни буюрди. Бундан ташқари, суд АҚШнинг собиқ президентига Нью-Йоркда уч йилга бизнес юритишни тақиқлади. Худди шу ишда айбланаётган Трампнинг икки ўғлининг ҳар бири 4 миллиондан жаримага тортилган.

• АҚШ
• Трамп