Қўшма Штатларнинг сайланган президенти АҚШ ва Шимолий Атлантика альянсининг бошқа аъзолари ўртасидаги мудофаа харажатлари ўртасидаги фарқни “адолатсиз” деб атаган.

“Улар ўз тўловларини тўлашлари керак. Агар бу амалга ошмаса, инаугурациядан кейин АҚШ-НАТО муносабатларини қайта кўриб чиқаман”, — дея таъкидлаган Трамп NBC News телеканалига.

Доналд Трамп узоқ вақтдан бери НАТOга аъзо давлатлар бир қисми мудофаа иттифоқи келишувларида қайд этилганидек, ўз ялпи ички маҳсулотнинг камида 2 фоизини мудофаа харажатларига ажратмаётганини танқид қилиб келади. 

Иқтисодий Тадқиқотлар Институти маълумотларига кўра, НАТО мамлакатлари орасида Қўшма Штатлардан ташқари, фақат Полша ва Буюк Британия 1990 йилдан бери ҳар йили умумий ЯИМнинг 2 фоизидан ортиғини мудофаага сарфлайди. Германияда зарурий мудофаа инвестицияларининг етишмаслиги тахминан 230 миллиард еврони, Италияда 120 миллиард еврони, Испанияда 80 миллиард евродан ортиқни ташкил қилади.

Эслатиб ўтамиз, АҚШда бўлиб ўтган президентлик сайловларида ғолиб бўлган Доналд Трамп 2025 йил 20 январдан ўз фаолиятини бошлайди.

• АҚШ
• НАТО
• Трамп
• Yalpi ichki mahsulot