20 январь куни Президентлик лавозимига киришадиган Доналд Трамп ўзининг мемкоинини яратганини эълон қилди. Ушбу  хабар унинг ижтимоий тармоқлардаги саҳифаларида маълум қилинди. Шунингдек, фойдаланувчилар янги криптовалютасини сотиб олишлари мумкин бўлган сайтга ҳаволани тақдим этилди.

Мемкоин - бу асосий қийматга эга бўлмаган рақамли актив. Одатда, мемкоинлар машҳур Интернет мемлари, ижтимоий тенденциялар ёки муҳим воқеалар билан боғлиқ. Бундай лойиҳаларни яратувчилар одатда уларни янада ривожлантиришни режалаштирмайдилар. 2024 йилда мемкоинлар криптовалюта саноатининг энг тез ривожланаётган йўналишига айланди.

Трамп бир неча бор криптовалюталарни қўллаб-қувватлашини билдирди. Шунингдек, у рақамли активларни ривожлантиришни миллий устувор вазифага айлантирадиган фармон чиқариш режаларини эълон қилди.

• АҚШ
• Криптовалюта
• Трамп