АҚШнинг сайланган президенти Доналд Трамп ўзининг инаугурациясидан сўнг Адлия вазирлигига қотиллик ва зўрлашда айбланувчилар учун ўлим жазосини тайинлаш топшириғини беришини айтди. Бу эса амалдаги президент Байденнинг ҳукм қилинганлар учун жазони енгиллаштириш қарорига зид ҳисобланади.

“Инаугурациядан сўнг мен Адлия вазирлигига америкалик оилалар ва болаларни зўравонлик қилувчилар, қотиллар ва йиртқич ҳайвонлардан ҳимоя қилиш учун ўлим жазоси тайинлашни буюраман. Мамлакатда яна қонун ва тартиб бўлади”, – деб ёзган Трамп ўзининг Truth Social ижтимоий тармоғида.

У илгари 37 нафар маҳкумнинг жазосини енгиллаштириб, ўлим ҳукмини умрбод озодликдан маҳрум қилиш жазосига алмаштирганлиги учун Байденни қоралаган. Трампнинг сўзларига кўра, бундай қарор адолатдан бўлмайди ва қурбонларнинг яқинлари томонидан норозиликларга сабаб бўлади.

• Jazo
• Қотиллик
• Трамп
• zo‘ravonlik