“Доналд Трамп ўз махсус вакили Кит Келлогга Украина масаласини 100 кун ичида ҳал қилишни топширди. Келлог буни уддалай олишига деярли ҳеч ким ишонмаяпти. Трамп Келлогга шундай вазифа юклаган бўлса-да, Украинадаги музокаралар жараёнини шахсан ўзи назорат қилишни режалаштирмоқда”, – деб ёзмоқда The Wall Street Journal.

Нашрга кўра, Россия билан келишувга эришиш ва урушни тўхтатиш Трамп тасаввур қилганидан кўра анча мураккаб вазифа ҳисобланади.

“Трамп маъмурияти Украинадаги урушни бир йўла тугатишни мақсад қилган. Америка ушбу можарони якунлаш учун қўлидан келган барча ишни қилади”, — деган АҚШ Давлат котиби Марко Рубио.

Аввалроқ, Трампдан президентликка киришгач Украинадаги урушни бир сутка ичида тугатиш ваъдаси ҳақида сўрашганда, у энди ярим кун ўтганлиги ва яна ярим кун вақти борлиги, улгуришга ҳаракат қилишини айтган эди.

Маълумот учун, бугун, 22 январь Трамп АҚШ президентлигидаги иккинчи иш кунини ўтказмоқда.

• АҚШ
• Россия
• Трамп
• Украина