“Трамп Украинадаги можарони якунламоқчи” – Майк Уолц

“Шундан сўнг хавфсизлик кафолатлари масалалари Европага юклатилади”, – деган АҚШ президентининг миллий хавфсизлик бўйича маслаҳатчиси.

Майк Уолцнинг сўзларига кўра, шу ҳафта Европада АҚШ расмийлари билан музокаралар бўлиб ўтади, унда келишув тафсилотлари муҳокама қилинади.

“Биз барча томонларни музокараларга жалб этишимиз ва урушни тугатишимиз керак. Бу масала раис Си, бош вазир Моди ва Яқин Шарқ давлатлари етакчилари билан мулоқотлар давомида кўтарилди. Бу урушда барча президент Трампга ёрдам беришга тайёр”, – дея таъкидлаган Уолц.

Шу билан бирга, Зеленский АҚШ ва Европа Киевни “тарк этмаслиги” ва хавфсизлик кафолатларини тақдим этиши шарти билан Россия билан музокараларга тайёрлигини даъво қилмоқда.

Россиянинг БМТдаги доимий вакили Василий Небензя Россия фақатгина унинг шартлари бажарилганда “сулҳ эмас, тинчлик тарафдори” эканлигини таъкидлаган.

• Naqsh
• Россия
• Трамп
• Украина