Нью-Йорк ҳакамлар ҳайъати собиқ президентни таъқиб қилиш ва туҳмат қилишда айблаган ёзувчи Элизабет Жан Керроллнинг даъвоси бўйича Дональд Трампни 83 миллион доллардан кўпроқ тўлашни буюрди. Бу ҳақда “Мир 24” хабар берди.

Қайд этилишича, суд қарорига кўра, Трамп Кероллга маънавий зарар учун 7,3 миллион доллар, абрўсига етказилган зарар учун 11 миллион доллар ва жазо чоралари учун яна 65 миллион доллар тўлаши керак бўлади.

Бу иш бўйича иккинчи бўлиб ўтган суд мажлисида Трамп иштирок этмаган.

Ҳакамлар ҳайъати қарори эълон қилинишидан олдин у суд залини тарк этган. Учрашув олдидан Трамп ўзининг айбсизлигини таъкидлашда давом этди, деб хабар бермоқда CNN.

Шунингдек, ўтган йилнинг май ойида Трамп Керроллнинг фуқаролик даъвосида айбдор деб топилиб, аёлга 5 миллион доллар тўлашга мажбурланган эди. Шундан сўнг, ёзувчи иккинчи судга мурожаат қилган ва Трампнинг айблов ҳукмидан кейин ўзи ҳақида айтган янги ҳақоратомуз баёнотлари учун унга яна 10 миллион доллар тўлашни талаб қилган.

• Nyu-York
• Суд
• Трамп