“АҚШ президенти маъмурияти норасмий тарзда Украина президенти Володимир Зеленскийдан жамоатчилик олдида узр сўрашини кутаётганини билдирган. Бу бузилган муносабатларни тиклаш учун муҳим деб ҳисобланмоқда”, – деб ёзмоқда Bloomberg.

Агентликка кўра, Лондон Вашингтонни Киев билан музокаралар столига қайтаришга уринган, бироқ рад жавобини олган.

Эслатиб ўтамиз, 28 февраль куни Зеленский ва Трамп ўртасида АҚШ витсе-президенти Жеймс Девид Венс иштирокида баҳсли вазият юз бериб, Украина президенти имзолаш учун Вашингтонга учиб келган фойдали қазилмалар бўйича битим барбод бўлди. Манбаларга кўра, воқеадан сўнг, Оқ уй Украинани Россияга қарши мудофаа урушида қўллаб-қувватлашни бутунлай тўхтатиш имкониятини кўриб чиқмоқда.

 Bloomberg'нинг ёзишича, 2 март куни Стармер Лондондаги саммитда АҚШнинг ўнлаб иттифоқчилари билан учрашиб, “агар Трамп Путин билан келишув тузиб, Киевни қўллаб-қувватлашдан воз кечса, Украинани ва умуман Европани ҳимоя қилиш қобилиятини мустаҳкамлаш” масаласини муҳокама қилади.

• АҚШ
• Муносабат
• Трамп
• Украина
• Зеленский