Буюк Британиянинг собиқ бош вазири Лиз Трасс собиқ молия вазири Риши Сунакни бош вазир этиб сайлангани билан табриклади ва уни қўллаб-қувватлашини билдирди.

“Риши Сунакни Консервативлар партияси раҳбари ва кейинги Бош вазир этиб тайинлангани билан табриклайман. Мен сизни тўлиқ қўллаб-қувватлайман”, деб ёзган Трасс Twitter'да.

Сунак бугун, 24 октябрь куни Буюк Британиянинг ҳукмрон Консерватив партияси раҳбари этиб сайланди ва бош вазир лавозимини ҳам эгаллайди.

Трасс аввалроқ ўзининг истеъфога чиқишини эълон қилиб, ўзининг вориси сайланмагунча вазирлар маҳкамаси раҳбари сифатида қолишини таъкидлаган эди. Трасс истеъфога чиққанида бор-йўғи 44 кун бош вазир бўлиб ишлаган ва бу уни Британия тарихидаги энг қисқа муддат бош вазирга айлантирган.

• Бош вазир
• Буюк Британия
• Liz Trass
• Rishi Sunak
• Табрик