Бугун, Туркиядан Ўзбекистонга биринчи марта йўналиши ташкил этилган илк юк поезди Тошкентга етиб келди. Тантанали маросимида “Ўзбекистон темир йўллари “АЖ бошқаруви раиси в.б. Х.Хасилов, Туркия Республикасининг Ўзбекистондаги Фавқулодда ва Мухтор элчиси Олган Бекар ҳамда Туркия темир ъллари вакиллари иштирок этди.

Эслатиб ўтамиз, жорий йил ноябр ойида Самарқанд шаҳрида бўлиб ўтган Туркий давлатлар ташкилоти президентларининг саммити доирасида янги транспорт транзит коридорларини йўлга қўйиш ва ривожлантириш бўйича келишувга эришилган эди. Ушбу келишув самараси ўлароқ бугун Тошкентга Туркиянинг Измир шаҳридаги “Гумруҳ” стансиясидан 40 та вагондан иборат биринчи юк поезди етиб келди.

Эътиборли томони шундаки, ушбу поезд “Туркия – Эрон – Туркманистон – Ўзбекистон” йўналишида дастлабки юк поезди ҳисобланади. Ҳозирда ушбу йўналиш бўйича яна 250 дан ортиқ вагон келиши режалаштирилган.

Таъкидлаш жоизки, ушбу йўналиш катта ривожланиш салоҳиятига эга бўлиб, Ўзбекистон юкларини халқаро йўналишларда ташиш учун қўшимча йўналиш ҳисобланади ва юртимиз тадбиркорлари учун Ўзбекистондан Туркияга экспорт юкларини жўнатишда ҳамда импорт юкларини олиб келишда энг тез ва қулай йўналишлардан бири биридир.

Давлатимиз томонидан амалга оширилаётган бу каби чора-тадбирлар минтақадаги мавжуд транспорт-коммуникация тармоқлари ва инфратузилмасидан самарали фойдаланишга, шунингдек, ташқи савдо юкларини асосий жаҳон ва минтақавий бозорларга ташиш учун вақт ва молиявий харажатларни сезиларли даражада камайтиришга имкон беради.

• Eron
• Ўзбекистон
• Темир йўл
• Туркий давлатлар ташкилоти