2025 йил 17 январь куни Туркияда қалбаки спиртли ичимлик истеъмол қилиш оқибатида яна 3 нафар Ўзбекистон фуқароси (барчаси эркак) вафот этган.

Жорий йил 18 январь ҳолатига кўра, спиртли ичимликдан заҳарланиш сабабли вафот этган ўзбекистонликларнинг умумий сони 17 нафарга етган.

Бош консулхона томонидан қалбаки спиртли маҳсулотларни истеъмол қилиш натижасида вафот этган фуқароларининг жасадларини Ўзбекистонга юбориш учун зарур ҳужжатлар расмийлаштирилмоқда ҳамда оила аъзоларига керакли ёрдам кўрсатилмоқда.

Ҳозирда, Истанбулдаги шифохоналарнинг жонлантириш бўлимларида қалбаки спиртли ичимликдан заҳарланиб даволанаётган ўзбекистонликлар сони 5 нафарни ташкил қилмоқда. Консулхона ходимлари томонидан ушбу фуқароларнинг ҳолидан хабар олиниб, уларнинг яқинлари ва шифохона маъмурияти билан доимий алоқада бўлиб турилганлиги маълум қилинмоқда.

• Aлкогол
• Истанбул
• Туркия
• Заҳарланиш