Туркия жануби-шарқидаги қишлоқ хўжалиги далаларида содир бўлган ёнғин оқибатида камида 11 киши ҳалок бўлди, 70 дан ортиқ киши жароҳатланди. Бу ҳақда мамлакат соғлиқни сақлаш вазири Фаҳреттин Кожа 21-июнда хабар берди дейди DW.

Унинг сўзларига кўра, жабрланганларнинг 10 нафари оғир аҳволда. Улар маҳаллий шифохоналарда даволанмоқда.

Кеча кечқурун Диярбакир вилоятидаги деҳқончилик ҳудудида бошланган ёнғин кучли шамол туфайли қўшни Мардин вилоятига ҳам ёйилган. Туркия ички ишлар вазири Али Ерликаянинг 21 июнга ўтар кечаси хабар беришича, ўт ўчирувчилар ёнғин тарқалишини тўхтатишга муваффақ бўлишган. Аммо ўчириш ишлари давом этмоқда. Ёнғин сабаблари номаълум.

• Туркия
• ёнғин