Туркиядаги ҳозирги инфляция даражаси 1998 йил сентябрьдан бери энг юқори кўрсаткичга чиқди. Мутахассислар мамлакатда нархлар кўтарилишининг сабабларидан бири бўлган фоиз ставкаларини пасайтириш сиёсатини кўриб чиқмоқдалар, дейилади хабарда.

Туркия статистика институти 3 октябрь, душанба куни хабар беришича, сентябр ойи охирида Туркияда йиллик инфляция 83,45 фоизни ташкил этди ва бир ой ичида 3,08 фоизга ўсган. Бу 1998 йил сентябр ойидан бери мамлакатда йиллик инфляциянинг энг юқори даражасидир.

Таъкидланишича, озиқ - овқат ва алкоголсиз ичимликлар нархларининг йиллик ўсиши 93 фоизни, транспорт нархларининг ўсиши эса 117,66 фоизни ташкил этган. Сўнгги бир йил ичида алоқа ва таълим соҳасидаги нархлар мос равишда 30,76 фоиз ва 36,69 фоизга ошган.

Ярим тайёр маҳсулотлар нархининг ошишига олиб келадиган халқаро таъминот занжирлари билан боғлиқ муаммолар ҳам нархларга салбий таъсир кўрсатган. Шу билан бирга, нархларнинг кўтарилиши Россиянинг Украинага қарши уруши фонида ўсган электр энергиясининг нархи билан ҳам боғлиқ, дейилади маълумотда.

Таҳлилчиларнинг фикрига кўра, Туркияда инфлация даражасининг ўсишида яна бир омиллардан бири, президент Ражаб Тоййип Эрдоғаннинг 2018 йилда бошлаган иқтисодий ўсишни тезлаштириш учун фоиз ставкаларини пасайтириш сиёсати Туркияда нархларнинг кўтарилишига таъсир қилган.

• Инфляция
• Туркия